* విద్యుత్ కొరతపై ఏం చేస్తున్నారు?: కేసీఆర్
* అధికారులను నిలదీసిన సీఎం
* మెరుగుపరచాలని ఆదేశం.. కోతలు లేకుండా చూడాలని సూచన
* ఛత్తీస్‌గఢ్ నుంచి అదనపు విద్యుత్ కోసం తీవ్ర యత్నాలు
సాక్షి, హైదరాబాద్: విద్యుత్ కొరతను అరికట్టి రాష్ర్టంలో సరఫరాను మెరుగుపరిచేందుకు గట్టి చర్యలు తీసుకోవాలని, ముఖ్యంగా రైతులకు ఇబ్బంది లేకుండా చూడాలని అధికారులను తెలంగాణ ముఖ్యమంత్రి కేసీఆర్ ఆదేశించారు. ‘ప్రజలు ఇబ్బందుల్లో ఉంటే మీరేం చేస్తున్నారు. విద్యుత్ సరఫరా మెరుగుపరిచేందుకు మీరు తీసుకుంటున్న చర్యలేంటి? ఇప్పటికే వర్షాలు రాకపోవడంతో రైతులు ఇబ్బందుల్లో ఉన్నారు. విద్యుత్ కూడా సరిగా ఇవ్వకుంటే ఇంకా ఇబ్బందులను ఎదుర్కొంటారు. కోతలు లేకుండా చూడండి’ అని కేసీఆర్ వ్యాఖ్యానించారు.
రాష్ట్రంలో విద్యుత్ సరఫరా, అదనపు విద్యుత్ కొనుగోలుపై ఇంధనశాఖ అధికారులతో ఆయన గురువారం సచివాలయంలో సమీక్ష నిర్వహించారు. అదనపు విద్యుత్‌ను పొందేందుకు వీలున్న అన్ని మార్గాలను అన్వేషించాలని.. తమిళనాడు, కర్ణాటక రాష్ట్రాలతోనూ మాట్లాడాలని సూచించారు. ఛత్తీస్‌గఢ్‌లో అదనపు విద్యుత్ ఉందని, దీన్ని రాష్ట్రానికి తెచ్చేందుకు వీలుగా అవసరమైతే స్వయంగా తానే అక్కడకు వెళ్లి ఆ రాష్ర్ట సీఎం రమణ్‌సింగ్‌తో చర్చిస్తానని కేసీఆర్ పేర్కొన్నారు.
ఛత్తీస్‌గఢ్ నుంచి అదనపు విద్యుత్ పొందే మార్గాలను సూచించాలని ఈ సందర్భంగా అధికారులను కోరారు. దీంతో ఇప్పటికే ఆ రాష్ర్టం నుంచి మహారాష్ట్రలోని వార్ధా వరకు విద్యుత్ సరఫరా లైను ఉందని, వార్ధా నుంచి నిజామాబాద్ జిల్లా డిచ్‌పల్లి వరకు కొత్తగా సరఫరా లైను వేస్తే సరిపోతుందని అధికారులు వివరించారు. అయితే వెంటనే ఆ పనులను ప్రారంభించాలని కేసీఆర్ ఆదేశించారు. అలాగే రాష్ట్రానికి అదనపు విద్యుత్ సరఫరా కోసం లైన్లను కేటాయించాలని పవర్‌గ్రిడ్‌ను కోరేందుకు స్వయంగా ఢిల్లీ వెళ్లాలని సీఎస్ రాజీవ్ శర్మను కూడా ముఖ్యమంత్రి ఆదేశించారు.
వచ్చే ఏడాది మార్చి చివరి నాటికి వరంగల్ జిల్లాలోని 600 మెగావాట్ల కాకతీయ థర్మల్ పవర్ ప్లాంటు(కేటీపీపీ)లో విద్యుత్ ఉత్పత్తిని ప్రారంభించేందుకు చర్యలు తీసుకుంటున్నట్టు ఈ సందర్భంగా టీజెన్‌కో సీఎండీ ప్రభాకర్‌రావు తెలిపారు. ఈ సమావేశంలో ఇంధన శాఖ కార్యదర్శి, ట్రాన్స్‌కో సీఎండీ సురేష్ చందా, టీఎస్‌పీడీసీఎల్ సీఎండీ రిజ్వీ తదితరులు పాల్గొన్నారు.
‘కేజీ నుంచి పీజీ’ పథకానికి అధ్యయన కమిటీ
‘కేజీ నుంచి పీజీ వరకు ఉచిత నిర్భంద విద్య’ పథకం విధి విధానాల రూపకల్పన కోసం త్వరలో అధ్యయన కమిటీని నియమించాలని సీఎం కేసీఆర్ నిర్ణయించారు. సచివాలయంలో విద్యా శాఖ మంత్రి జి.జగదీశ్‌రెడ్డి, కార్యదర్శి వికాస్‌రాజ్, కళాశాల, సాంకేతిక విద్య కమిషనర్ శైలజా రామయ్యర్‌లతో ఆయన పలు అంశాలపై సమీక్ష జరిపారు. ఈ సందర్భంగా కేజీ నుంచి పీజీ పథకంపై అధ్యయన కమిటీని వేయాలని నిర్ణయించారు.
అయితే ఈ పథకంలో భాగంగా ప్రీ-ప్రైమరీ (ప్రాథమిక స్థాయికన్నా ముందు) సెక్షన్లను ఏర్పాటు చేసేందుకు సిద్ధమవుతున్న ప్రభుత్వం.. అంగన్‌వాడీ కేంద్రాలను ప్రాథమిక పాఠశాలల ఆవరణలోకి తెచ్చి ప్రీపైమరీ సెక్షన్లుగా మార్పు చేయాలని యోచిస్తోంది. తద్వారా ఐదేళ్లలోపు పిల్లలకు నర్సరీ, ఎల్‌కేజీ, యూకేజీ స్థాయి విద్యను అందించవచ్చని భావిస్తోంది.
కానీ, ప్రస్తుతం అంగన్‌వాడీ కేంద్రాలు మహిళా శిశు సంక్షేమ శాఖ పరిధిలో ఉన్నాయి. వాటిలో అంగన్‌వాడీ వర్కర్లు కాంట్రాక్టు పద్ధతిన పనిచేస్తున్నారు. ఒకవేళ వీటిని ప్రాథమిక పాఠశాలల ఆవరణలోకి తీసుకువస్తే ఆ వర్కర్ల సేవలను ఎలా ఉపయోగించుకోవాలి? వారి సర్వీసు నిబంధనలు ఎలా? వారిని క్రమబద్ధీకరణ చేయాల్సి వస్తే ఎలాంటి నిబంధనలు రూపొందించాలనే అంశాలను ఈ అధ్యయన కమిటీ పరిగణనలోకి తీసుకునే అవకాశం ఉంది.
* అధికారులను నిలదీసిన సీఎం
* మెరుగుపరచాలని ఆదేశం.. కోతలు లేకుండా చూడాలని సూచన
* ఛత్తీస్‌గఢ్ నుంచి అదనపు విద్యుత్ కోసం తీవ్ర యత్నాలు
సాక్షి, హైదరాబాద్: విద్యుత్ కొరతను అరికట్టి రాష్ర్టంలో సరఫరాను మెరుగుపరిచేందుకు గట్టి చర్యలు తీసుకోవాలని, ముఖ్యంగా రైతులకు ఇబ్బంది లేకుండా చూడాలని అధికారులను తెలంగాణ ముఖ్యమంత్రి కేసీఆర్ ఆదేశించారు. ‘ప్రజలు ఇబ్బందుల్లో ఉంటే మీరేం చేస్తున్నారు. విద్యుత్ సరఫరా మెరుగుపరిచేందుకు మీరు తీసుకుంటున్న చర్యలేంటి? ఇప్పటికే వర్షాలు రాకపోవడంతో రైతులు ఇబ్బందుల్లో ఉన్నారు. విద్యుత్ కూడా సరిగా ఇవ్వకుంటే ఇంకా ఇబ్బందులను ఎదుర్కొంటారు. కోతలు లేకుండా చూడండి’ అని కేసీఆర్ వ్యాఖ్యానించారు.రాష్ట్రంలో విద్యుత్ సరఫరా, అదనపు విద్యుత్ కొనుగోలుపై ఇంధనశాఖ అధికారులతో ఆయన గురువారం సచివాలయంలో సమీక్ష నిర్వహించారు. అదనపు విద్యుత్‌ను పొందేందుకు వీలున్న అన్ని మార్గాలను అన్వేషించాలని.. తమిళనాడు, కర్ణాటక రాష్ట్రాలతోనూ మాట్లాడాలని సూచించారు. ఛత్తీస్‌గఢ్‌లో అదనపు విద్యుత్ ఉందని, దీన్ని రాష్ట్రానికి తెచ్చేందుకు వీలుగా అవసరమైతే స్వయంగా తానే అక్కడకు వెళ్లి ఆ రాష్ర్ట సీఎం రమణ్‌సింగ్‌తో చర్చిస్తానని కేసీఆర్ పేర్కొన్నారు.
ఛత్తీస్‌గఢ్ నుంచి అదనపు విద్యుత్ పొందే మార్గాలను సూచించాలని ఈ సందర్భంగా అధికారులను కోరారు. దీంతో ఇప్పటికే ఆ రాష్ర్టం నుంచి మహారాష్ట్రలోని వార్ధా వరకు విద్యుత్ సరఫరా లైను ఉందని, వార్ధా నుంచి నిజామాబాద్ జిల్లా డిచ్‌పల్లి వరకు కొత్తగా సరఫరా లైను వేస్తే సరిపోతుందని అధికారులు వివరించారు. అయితే వెంటనే ఆ పనులను ప్రారంభించాలని కేసీఆర్ ఆదేశించారు. అలాగే రాష్ట్రానికి అదనపు విద్యుత్ సరఫరా కోసం లైన్లను కేటాయించాలని పవర్‌గ్రిడ్‌ను కోరేందుకు స్వయంగా ఢిల్లీ వెళ్లాలని సీఎస్ రాజీవ్ శర్మను కూడా ముఖ్యమంత్రి ఆదేశించారు.
వచ్చే ఏడాది మార్చి చివరి నాటికి వరంగల్ జిల్లాలోని 600 మెగావాట్ల కాకతీయ థర్మల్ పవర్ ప్లాంటు(కేటీపీపీ)లో విద్యుత్ ఉత్పత్తిని ప్రారంభించేందుకు చర్యలు తీసుకుంటున్నట్టు ఈ సందర్భంగా టీజెన్‌కో సీఎండీ ప్రభాకర్‌రావు తెలిపారు. ఈ సమావేశంలో ఇంధన శాఖ కార్యదర్శి, ట్రాన్స్‌కో సీఎండీ సురేష్ చందా, టీఎస్‌పీడీసీఎల్ సీఎండీ రిజ్వీ తదితరులు పాల్గొన్నారు.
‘కేజీ నుంచి పీజీ’ పథకానికి అధ్యయన కమిటీ
‘కేజీ నుంచి పీజీ వరకు ఉచిత నిర్భంద విద్య’ పథకం విధి విధానాల రూపకల్పన కోసం త్వరలో అధ్యయన కమిటీని నియమించాలని సీఎం కేసీఆర్ నిర్ణయించారు. సచివాలయంలో విద్యా శాఖ మంత్రి జి.జగదీశ్‌రెడ్డి, కార్యదర్శి వికాస్‌రాజ్, కళాశాల, సాంకేతిక విద్య కమిషనర్ శైలజా రామయ్యర్‌లతో ఆయన పలు అంశాలపై సమీక్ష జరిపారు. ఈ సందర్భంగా కేజీ నుంచి పీజీ పథకంపై అధ్యయన కమిటీని వేయాలని నిర్ణయించారు.
అయితే ఈ పథకంలో భాగంగా ప్రీ-ప్రైమరీ (ప్రాథమిక స్థాయికన్నా ముందు) సెక్షన్లను ఏర్పాటు చేసేందుకు సిద్ధమవుతున్న ప్రభుత్వం.. అంగన్‌వాడీ కేంద్రాలను ప్రాథమిక పాఠశాలల ఆవరణలోకి తెచ్చి ప్రీపైమరీ సెక్షన్లుగా మార్పు చేయాలని యోచిస్తోంది. తద్వారా ఐదేళ్లలోపు పిల్లలకు నర్సరీ, ఎల్‌కేజీ, యూకేజీ స్థాయి విద్యను అందించవచ్చని భావిస్తోంది.
కానీ, ప్రస్తుతం అంగన్‌వాడీ కేంద్రాలు మహిళా శిశు సంక్షేమ శాఖ పరిధిలో ఉన్నాయి. వాటిలో అంగన్‌వాడీ వర్కర్లు కాంట్రాక్టు పద్ధతిన పనిచేస్తున్నారు. ఒకవేళ వీటిని ప్రాథమిక పాఠశాలల ఆవరణలోకి తీసుకువస్తే ఆ వర్కర్ల సేవలను ఎలా ఉపయోగించుకోవాలి? వారి సర్వీసు నిబంధనలు ఎలా? వారిని క్రమబద్ధీకరణ చేయాల్సి వస్తే ఎలాంటి నిబంధనలు రూపొందించాలనే అంశాలను ఈ అధ్యయన కమిటీ పరిగణనలోకి తీసుకునే అవకాశం ఉంది.
